Project Management 的困難

（要寫點什麼來放鬆，但又寫不了稿
在隱隱地自責中。）

猴子大概知道，我開始支持不住。
所以這星期都很盡力地早收工，很落力地陪伴。

昨天晚上，在元朗的小酒館吃漢堡和意大利粉。

我突然一輪嘴不停地說自己心裏面儲下來的氣。

由陳設、分工，到抹窗、廁所，然後是開會、BUDGET。

有一刻沉默下來，我心想：為什麼當初要這樣做呢？
為什麼就不能安安份份地做個記者，搞好個網媒呢？

「你是未做過Project Management嘛，你在做新嘢，
又要判斷邊個同事做邊啲新嘢，
是會很困難的。」他說了這麼一句。

呀，是啊。

在擠迫趕忙的日子，我對人對自己都會很多責難。

＿＿＿＿＿＿＿＿＿＿＿＿＿＿＿＿＿＿＿

我常常在堅持與改變之間掙扎。

有時候是真的不知道，是不是應該堅持己見。

今天ＫＬ說：「有時有啲嘢係得就係得，唔得就係唔得。」
我都係咁覺得。
但我有時又會怕，是自己的主觀。

如果有時間，有空間，
我會迫自己梳理出一個所以然。
改稿係咁、改圖係咁，做EVENT都係咁。

但最近真係無乜。
無時間到一個點，連崩潰咆哮都無力。

我都明白，如果不解釋，大家是不會了解。
誤會又會應運而生。

只不過，我真的無力了。

要硬改，見到大家的眼神，我又會怯。
一來是做衰人，二來是會問：係咪真係我太過主觀？

為難自己又為難人。

但又真係過唔到自己個關。唉。

＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿

「買的時候你又唔講？」我都估到大家會咁講。

唉，雖然唔係直接同我講。
但都是很中槍的。

我成日都諗一個相反方向的問題。

當講Trial and Error，聽落去好容易係有權力的人／領導者下放空間，
讓其他人去試去錯。

但其實如果我們相信這個精神，那麼就要容許走在前面的領導者也會錯。

會不會好賴皮呢？

但我真心覺得，唔可以依賴一個人做所有決定，
然後佢要為所有決定去承擔責任。

我不是說要不負責任，而是做了決定，
大家還是要一起去承擔，解決之後會出現的問題。

屎是要大家一齊食的。（嬲嬲豬）
唔係淨係一個人食晒的。

唔係試的時候，大家就話好好好，試試試；
試出來唔對路，就指住在前面的人話：
「最衰都係你話可以試啦。」

每一次諗到呢個位，我就唔想做前行者。

（呢段嘢真係要記住。有一日再講trial and error學到啲咩要整理下再講出來。
我都要反省下，我以前做書有沒有把這個重擔放在山地度。）

（好啦，發洩咗少少）

（雖然其實係好小事，但就踩中我最難搞的位：有口難言地硬中一槍）
＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿

真的應該早點求救。

讓專業的來就好了。

那就不用那麼大壓力。
（至少昨晚不會紥醒。）

還好，上帝的靈會帶領。

天使就在身邊。

不要讓身邊的伙伴做他們不擅長的事，
反而令大家的挫敗感增加。

這真的是功課。

好難的功課。

（諗一諗，都應該試過幾次，但我就係學極都唔記得。）

＿＿＿＿＿＿＿＿＿＿＿＿＿＿

User experience! User experience!

不是要完成件事，是為了誰去做這件事。

為了誰，為了什麼原因。