吐糟吐糟吐糟

好啦，我要爆啦！

吐嘈吐嘈吐嘈．．．．！！！！！

1. 夠啦夠啦，某朋友，我唔明白點解全世界都係關心緊日本嘅災情，
而你就係FB猛講自己去唔到日本有幾黑仔。
你夠佢地黑仔咩？
人哋想地震架？
人哋地震完，又有火山爆發，又有核電洩漏，已經好頭痕，
唔通仲要照顧你呢啲有錢無「訂」洗嘅人？
點解一個人可以咁無同情心呢？
人哋有國難，你唔幫唔care都算啦，仲想點呀？
駛唔駛同你去災場影相留念呀！！！


2. 夠啦夠啦，某朋友，你唔好再打卡打到洗版好唔好？！！！！！
我唔想知你每日幾時放工，幾時去邊樹同乜水食飯然後又搭咩車番屋企。
你自己係一個log freak，fine！但唔好迫我睇你個log呀。
你好中意全世界嘅人知道你喺邊度番工、邊度食早午晚三餐，
但我唔想知囉！！！
不如你連你幾時去街口個公廁都寫埋上去呀？
我已經去到要block 你的階段啦，每廿分鐘update一次自己的地點．．．
除了上癮或有病，我真係唔知點樣形容你。

（BTW，我本質上是超討厭打卡這回事，朋友們，和我出街請不要打卡，
因為我會打人．．．！！！）



還有許多．．．但我怕我太mean。．．．下次再吐。




＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿


真的不能不同意，Facebook會加劇人的自我中心。