轉個彎就到

由得自己亂寫嘢，似乎是我平靜自己的方法。

最近對自己的行為習慣有比較敏感。



例如，當好多嘢做，千頭萬緒的時候，
我總特別多發夢。
好似是要讓自己找到另一個場景，
逃避而家的責任。

清醒的時候，就要比較用力氣，
讓自己內在的賴皮小孩不要出來。

不要賴床啊。

不要掛住玩Facebook啊。

不要逃避啊。




心急的時候，會變得很批判，
只看到別人做得不好的一面。

所以心急的時候，好容易變成憤怒。

或者樣衰衰的不屑。




當知道自己會變成這樣，另一個自己就會拉着那個快要脫軌的自己。
保持運作，好快有得抖啦。
等多陣啦，就得架啦，之後俾你玩和撒嬌啦。

最近兩個月好像都是這樣度過呢。

好似在行一程很遠路的山，
一直在欺騙自己：轉個彎就到啦。過埋呢個山頭就得啦。




有時，都好想賴皮一下，但另一個法官自己就會走出來：
喂，你賴皮咗好多年啦喎。




輝唔明白為什麼我很堅持一定要有Morning kiss 和goodnight kiss，
出門前也要一個好大的抱抱。

或者是因為我需要這些小賴皮，才可以儲電向前行。




其實而家都好睏。

但又唔想瞓。

因為仲有好多嘢未做。

好多嘢未諗。

（同埋仲未沖涼）




明天是星期五了。快到終點了。
（又開始欺騙自己嗎？）